وصفة سهلة وسرعة جدا للعشاء لم تأخد اى وقت منى وتعتبر تغير عن العشاء التقليدى مثل الأجبان والبيض مع ان برضة البيض مكون رئيسى فيها ,
ويحمر الوجة تحت الشواية
المكونات :
2 بيضة
1كوب دقيق
كوب ونصف لبن
ملح وفلفل ( فى حالة لو الحشو حادق )
الطريقة :
نمزج المكونات سويا فى بولة ونضربهم بالمضرب اليدوى ( السلك ) حتى يمتزجوا ويكون المزيج ناعم بدون اى كلاكيع ويكون عجينة سائلة لكن مش خفيفة جدا , نحضر طاسة تيفال وبها شوية زيت صغير ونسخن الطاسة على النار ونضع عيار كبشة فى الطاسة وهى ساخنة ونحرك الطاسة بشكل دائرى حتى يأتى كل مقدار الكبشة فى كل ارجاء الطاسة الساخنة ونتركها دقيقة حتى تتماسك الحروف ونحس بأنها تماسكت ثم نقلبها للناحية الاخرى ونتركها لمدة دقيقة ثم نرفعها من النار ونكمل حتى ينتهى المقدار
الحشو اختيارى ممكن عصاج , جبنة تركى , جبنة كرافت شيدر , سوسيس ,فراخ مقطعة شرائح ومتبلة بالمايونيز او الثومية
او ممكن مربى وزبد لو حلو او شوكلا نوتيلا
نضع الحشو فى حرف الكانيلونى ونلف القرص على شكل اسطوانة ويقدم مع التجميل برش جبنة تركى اوموزاريلا على الوجة وهو ساخن دى الطريقة البسيطة المناسبة للعشاء,
لكن ممكن نزود اضافات ويصبح مناسب للغذاء مثل وضع وحدات الكانيلونى فى صينية بيركس و وضع صلصة بشاميل على الوجة ,صلصة طماطم ,جبنة موزاريلا ,جبنة شيدر مبشورة ودى صورة الكانيلونى للغذاءبالصلصة وبالباشاميل
وبالهنا والشفا
